SHKOLLA PËR MENDIM DHE SHKRIM KRITIK – PIKËPAMJA
Ilustrimi nga: Studio Permanent
Dafina Halili rikthehet edhe këtë vit folëse në kuadër të shkollës.
Dafina Halili është gazetare në Kosovo 2.0, e cila mbulon kryesisht çështje të drejtësisë sociale dhe të drejtave të njeriut, me fokus në të drejtat e grave, LGBTQ+ dhe komunitetet minoritare. Dafina ka kryer studimet master në drejtimin e diversitetit dhe mediave (Diversity and the Media) në Universitetin e Westminster në Londër, Mbretëri e Bashkuar.
Shkolla për Mendim dhe Shkrim Kritik – Pikëpamja, vjen si nevojë për ofrim të një programi të avancuar për të rinjtë dhe të rejat që duan të përfitojnë aftësi më të thella të trajtimit të çështjeve të ndryshme përmes shkrimit. Për dallim nga moduli bazik, shkolla në kuadër të Pikëpamjes, ndër të tjera ofron mundësi për zhvillim të njohurive për analizimin e të dhënave të mbledhura për projektin hulumtues, identifikim të problemit hulumtues, teknika dhe strategji të intervistimit, zhvillim të njohurive për citim dhe përpilim të listës së referencave, zhvillim të njohurive për argumentimin dhe kundërargumentimin, etj. Përgjatë pesë ditëve të shkollës pjesëmarrësit/et do të pajisen po ashtu me përmbajtje të avancuar mbi qytetarinë aktive, zhvillimin rinor dhe fuqizimin dhe çështjet sociale.
Për tu bërë pjesë e shkollës shih linkun më poshtë:
—————-
Ky grant mbështetet nga Austrian Development Agency
